BEÝIK PYRAGY
Mukaddes Watanyň kämil perzendi,
Ylham hazynasy — beýik Pyragy.
Dünýäň ýüreginde her setir, beýdi,
Ylham hazynasy — beýik Pyragy.
Jümlesinde ebedilik edep bar,
Her sözünde dür, göwherdir, sadap bar,
Şygyrlary adamzada medetkär,
Ylham hazynasy — beýik Pyragy.
Öwüt-ündewleri kalbyň aýnasy,
Dür sözleri ylmyň syrly namasy,
Halkymyzyň Hakdan içen danasy,
Ylham hazynasy — beýik Pyragy.
Nesillere kämilligiň nusgasy,
Şygryýet älemniň täsin şuglasy,
Her setiri kalbyň Tugy, tugrasy,
Ylham hazynasy - beýik Pyragy.
Watanyň, jahanyň köňül soltany,
Şygyr bossanynyň sowulmaz ýazy,
Geçmişden geljege kalbyň owazy,
Ylham hazynasy — beýik Pyragy.
Döwranguly ANNAGULYÝEW,
Balkanabat şäheriniň ýöriteleşdirilen
2-nji orta mekdebiniň mugallymy.
"Tmpedagog"